Valores Éticos Alfoz-Valadouro

 Inspirados na canción da Banda da loba, Fábrica de luz, o alumnado de 1º de proxecto competencial e os de 4º de valores éticos elaboraron unhas bombillas con nomes de mulleres que consideran un referente ou unha luz na súa vida. Aquí tedes un vídeo onde se recolle todo o proceso:

  Co gallo do 25N, o alumnado e profesorado do IES Alfoz – Valadouro organizamos, xunto co colexio de Alfoz, un acto commemorativo en contra da violencia de xénero. Consistiu nunha andaina desde o IES ata a Casa da Cultura do Concello de Alfoz. Alí había unha margarida xigante nun taboleiro. Un grupo de compañeiros e compañeiras foron arrincándolle pétalos, á vez que lían un manifesto que se titulaba “Preguntáchete algunha vez se esa persoa especial te quere ou non te quere?” Para finalizar o acto, o alumnado do colexio de Alfoz cantou unha canción de Rozalén titulada “La puerta violeta” e o director do Colexio, Adrián Suárez pechou o acto cunhas palabras en repulsa contra toda manifestación de violencia.                                                                             Texto de Sara O...

   Este 8 de marzo de 2022 realizamos, co alumnado de 1ºESO de valores éticos, un vídeo no que vos invitamos a celebrar o día da muller con nós!!!

 O alumnado de 4º ESO únese tamén á loita contra a violencia de xénero facendo unha homenaxe a todas as víctimas neste ano 2021, na hora de titoría elaboraron unha bolboreta de papel por cada unha delas, 37 bolboretas, 37 vidas... Aquí tedes un vídeo onde se ve todo o proceso:

Polo 25 N @s alumn@s de 1° e 2° de Valores Éticos realizaron a súa propia campaña contra a violencia de xénero gravando dous vídeos, NIN UNHA BÁGOA MÁIS e POÑAMOS PUNTO FINAL, cos que pretenden aportar o seu gran de area na loita contra esta lacra social. Aquí tedes as súas creacións:

 Polo Día Internacional contra a Homofobia, a Transfobia e a Bifobia o alumnado de 3º e 4º da ESO realizaron debuxos para facer chapas e imáns e así unirse á campaña.  Aquí podedes ver como locen algúns dos seus diseños nas neveiras da súas casas.   ENLACE ÁS FOTOS

Pola conmemoración do día da muller parte do alumnado de valores éticos, inspirados na canción de Rozalén, pintou unha porta violeta como metáfora do feminismo, como símbolo da igualdade que se reivindica neste día, unha porta que se a atravesamos nos fará a todas e a todos máis libres. No vídeo utilizamos  a versión en galego da canción de Rozalén  interpretada por Son de Cabana. ENLACE PARA O VÍDEO  

 No curso 2017-2018 os alumnos de valores éticos elaboraron debuxos para ilustrar os distintos dereitos humanos e logo distribuiron polo centro os seus deseños ENLACE ÁS FOTOS

 Os alumnos de valores de 3º e 4º ilustraron mascarillas cos 15 primeiros dereitos humanos ENLACE ÁS FOTOS

O alumnado de 3º de ESO do ano 2017 elaborou este vídeo que lles serviu para explicar ao alumnado de 2º o que aprenderon durante a súa participación no Programa Quérote do Plan Proxecta. ENLACE AO VÍDEO

Conmemoramos este día con dous lemas " Que o silencio non sexa cómplice " e " Entre tod@s imos silenciar o ruido machista " colocando imaxes de onomatopeias que representan o ruido machista e na biblioteca colgáronse diferentes bocadillos de cómic con frases de mulleres. Tamén estreamos un vídeo gravado no curso pasado sobre as violencias ENLACE AO INSTAGRAM DA BIBLIOTECA

O 25 de novembro conmemoramos no noso centro o  Día Internacional contra a Violencia de Xénero . Todos xuntos participamos nun acto no que lembramos a cada unha das 52 vítimas deste tipo de violencia no que vai de ano en España. Podedes ver o vídeo no que se recolle o que fixemos; unha gravación realmente emotiva.

O 25N, día en contra da violencia de xénero, o alumnado do centro respondeu á pregunta  "que é a violencia de xénero para ti?"  e, coas súas respostas, elaborouse o lazo representativo desta loita ENLACE AO VÍDEO

 O 25 de novembro celebrouse o  Día Internacional da Eliminación da Violencia contra a Muller  e todos os rapaces e rapazas participaron en varias actividades. Colocáronse "zapatos baleiros" lembrando as vítimas da violencia machista, os de 1º de ESO fixeron voar os papaventos morados e laranxas que elaboraran na asignatura de Educación Plástica e Visual e por último gravouse un " mannequin challenge". ENLACE Á ACTIVIDADE CON PAPAVENTOS

Obra de teatro realizada polo alumnado de 1º da ESO para o proxecto de CLASES SEN FUME.

  O alumnado de 4º de ESO da materia de Ética  participou na edición de  O Mundo que Queremos  que é un proxecto de Educación para o Desenvolvemento que forma parte da plataforma de innovación educativa Plan Proxecta, promovida pola Consellería de Educación. Con este proxecto preténdese explorar o potencial educativo da comunicación a través da interacción entre os centros educativos galegos participantes e iniciativas de cooperación internacional que a Xunta de Galicia apoia en países empobrecidos a través das ONGD. O fío temático do proxecto está tecido polos oito  Obxectivos de Desenvolvemento do Milenio  que se presentarán nas aulas a través de talleres, obradoiros de radio e fotografía e representacións do Teatro da Oprimida. Ao noso centro tocoulle traballar no ODM 4 que é o de reducir a mortalidade infantil Todo o proceso de intercambio entre as diferentes realidades galegas e do Sur culminou na visita aos institutos de persoas do...

Aquí tedes a versión en galego do rap contra o racismo realiza polos alumnos do noso instituto